ТРАК тăрахĕ талантлă тĕрлĕ çынпа пуян. Çамрăк ăру та аслисен çулĕпе тан утать. Акă газ уçлакан «Заволжская» станцири ача-пăча халăх ташă ансамблĕ /ертÿçи Т.Федорова/ Пĕтĕм Раççейри «Орленок» центрта иртнĕ «Раççей ăмăрт кайăкĕсем» конкурс-фестивальте çĕнтерсе лауреат ятне тивĕçнĕ.

Çак ятпа центрăн тĕп директорĕ А.Джеус Красноармейски район администраци пуçлăхĕ С.А.Николаев ячĕпе Тав çыравĕ янă. Вăл ентешсен концерт программи ыттисенчен палăрмаллах уйрăлса тăнине, интереслĕрех пулнине, ăна куракансем хапăл тунине палăртнă, пултаруллă çамрăк талантсене ялан пулăшса тăнăшăн тав тунă.