Трак ен аграрийĕсем выльăх апачĕ хатĕрлеççĕ

Çурхи уй-хир ĕçĕсем хыçа юлчĕç. Умра вара татах та яваплă тапхăр — хĕл каçма выльăх апачĕ хатĕрлесси. Выльăх-чĕрлĕх продуктивлăхĕ хуçалăхсенче апат-çимĕç никĕсĕ епле пулнинчен нумай килет. Лайăх тăрантарнă выльăх сĕтне те аван антарать, унăн ỹтхушаслăхĕ те пысăк. Паян Трак енри хуçалăхсенче курăка пĕрремĕш хут çулас, утă тата сенаж хатĕрлес ĕçсем пыраççĕ. Ку ĕçе "Караево" ОООра та тытăннă. Ĕнерхи кун тĕлне кунта 100 гектара яхăн нумай çул ỹсекен курăксене çулнă, 20 тонна утă хатĕрленĕ, сенаж хывма пуçланă. Оперативлă кăтартусем тăрăх, паянхи кун тĕлне районти ял хуçалăх предприятийĕсемпе ХФХ-сенче 500 гектара яхăн нумай çул курăксем çулнă, 40 тоннăна яхăн утă хатĕрленĕ, 500 тонна сенаж хывнă.



22 июня 2020
10:28
Поделиться