Чỹк уйăхĕн 20-мĕшĕнче Трак енре те Пĕрлехи информаци кунĕ иртрĕ. Информаци ушкăнĕ (район администрацийĕн представителĕсем — Н.В. Иванова, Л.И. Артемьев, “БТИ” ОООн начальникĕ О.В. Клементьева, Красноармейски ял поселенийĕн пуçлăхĕ П.С. Моисеев) тата профилактика канашĕн членĕсем (Красноармейски районĕн прокурор тивĕçĕсене вăхăтлăх пурнăçлакан В.М. Яковлева, комиссин секретарĕ Э.И. Петрова, полицин капитанĕ П. Семенов) палăртнă 5 ыйтăва пăхса тухрĕç (вĕсем хаçатăн иртнĕ номерĕнче пичетленнĕччĕ). Тĕп ыйту ЧР ял тăрăхĕсенчи право йĕркине пăснине хирĕç тăракан профилактика канашĕн ĕçĕ-хĕлĕ тавра пулчĕ. Тĕл пулура тĕрлĕ ыйтупа килнĕ çынсене тĕплĕн итлерĕç, кирлĕ сĕнỹсем пачĕç. Учетра тăракан çемьесемпе уйрăммăн калаçассине, психологсемпе тачă çыхăнса ĕçлессине, пулăшу парассине ырларĕç. Полицин капитанĕ П. Семенов Красноармейскинче пурăнакансене банк карттисене, телефон çыхăнăвĕн мелĕсене, интернет çыхăнăвне усă курса ултавçăсем тăвакан киревсĕр ĕçсенчен хăтарса хăрушсăрлăхпа тивĕçтересси пирки каласа пачĕ. Банксенчен çынсем патне никам та шăнкăравламаннине пĕлтерчĕ, банк карттисен реквизичĕсене никама та пĕлтермелле маррине аса илтерчĕ. Ултавçăсен серепине лекес мар тесе çынсене буклет-асăрхаттарусем валеçсе памаллине, квитанцисем хыçне пичетлесе халăх патне çитерессине ырларĕç, ытти социаллă реклама баннер çинче район центрĕнче йĕркелемеллине палăртрĕç. Юлашкинчен информаци ушкăнĕн членĕсем çынсене хăйсен ыйтăвĕсемпе йышăнчĕç. Т. Филиппова.