Красноармейски вăтам шкулĕн 6 “б” класĕнче вĕренекенсем класс ертỹçи Л. Илларионова тата ашшĕ-амăшĕн комитечĕн членĕ Т. Романова ертсе пынипе Шупашкар хулинче экскурсинче пулчĕç. Тĕп тĕллевĕ — вĕренекенсене Чăваш Енĕн авалхи историйĕпе тата культурипе паллаштарасси. Çавна май ачасем Чăваш наци музейĕн археологи пайĕнче пулса курчĕç. Унта вара чăваш халăхĕн историпе культурине палăртакан питех те пуян материал вырăн тупнă: авалхи çынсен пỹрчĕ, ĕç хатĕрĕсем, авалхи чĕр-чунсен шăммисем... Вĕренекенсем экскурсипе кăмăллă юлчĕç, тăван тăрăхăн историйĕ пирки чылай çĕннине пĕлчĕç.