Красноармейский муниципальный округ Чувашской Республики Красноармейски муниципаллă округĕ

Пирĕн боксерсем палăрнă

Пирĕн боксерсем палăрнă

Иртнĕ кунсенче Трак ен боксерĕсем Раççей Геройне Николай Смирнова асăнса, Раççей çар разведкин кунне тата Чăваш автономине туса хунăранпа 100 çул çитнине халалласа алла-аллăн çапăçассипе республикăри VII уçă ăмăртăва хутшăннă, лайăх кăтартусемпе палăрнă. Çивĕч тупăшура Денис Романов (70 кг çитичченхи виçе), Владимир Петров (80 кг е унран пысăкрах виçе, 2001 ç.ç. е унран аслăрах) пĕрремĕш, Роман Романов (50 кг çитичченхи виçе, 2004-2005 ç.ç.), Вениамин Михеев (50 кг çитичченхи виçе, 2006-2007 ç.ç.), Александр Иванов (55 кг çитичченхи виçе, 2004-2005 ç.ç.), Андрей Исаев (65 кг çитичченхи виçе, 2001 ç.ç. е унран аслăрах), Дмитрий Карпов (75 кг çитичченхи виçе, 2002-2003 ç.ç.), Андрей Тимофеев (75 кг çитичченхи виçе, 2001 ç.ç. е унран аслăрах) иккĕмĕш, Стас Степанов (55 кг çитичченхи виçе, 2004-2005 ç.ç.), Андрей Васильев (80 кг е унран пысăкрах виçе, 2001 ç.ç. е унран аслăрах) виççĕмĕш вырăн йышăннă. Спортсменсене малашнехи ăмăртусенче ăнăçу сунатпăр. Ỹссе çитĕнекен ăрăва патриотла воспитани парас çĕрте витĕмлĕ тỹпе хывнăшăн республикăри ГСВГ-ВД уйрăмĕн Çĕрпỹри пайĕ А. Тимофеев тренера Тав çырăвĕпе чысланă.

А. Тимофеев.



08 ноября 2019
11:52
Поделиться