Ырă хыпарсем
- Район администрацийĕн çул çитмен çамрăксен тата вĕсен прависене сыхлас енĕпе ĕçлекен комисси ларăвĕнче хăйсен ачисене тивĕçлĕ воспитани паманшăн икĕ ашшĕ-амăшне штрафланă, виççĕшне асăрхаттарнă, теприне ашшĕ-амăшĕн тивĕçĕсенчен хăтарма пултарассине аса илтернĕ.
- Ирĕклĕ майпа кĕрешсе Раççей Геройĕ Н. Ф. Гаврилов генерал-лейтенант парнисене çĕнсе илессишĕн пынă Пĕтĕм Раççейри турнирта Красноармейскинчи ДЮСШри Никита Дубов 54 килограмлă виçере — пĕрремĕш, Фарух Махмадалиев (54 кг) виççĕмĕш вырăнсене йышăннă (тренерĕ — Л. Павлов).
- Сывлăха сыхлакан учрежденисенче ĕçлекенсен профсоюз организацийĕн отчетпа суйлав конференцийĕнче профкомăн çĕнĕ председателĕ пулма Красноармейски тĕп больницин тĕп медсестрине Э. Алексеевана шаннă.
- Алманч ял тăрăхĕн активĕн пĕр ушкăнĕ Чăваш çамрăкĕсен театрĕнче хăйсен ентешĕн — А. Степанов (Пăртта) — пьеси тăрăх лартнă “Андеграунд” спектакль премьерине пăхнă.
- Красноармейскинчи Светланăпа Андрей Григорьевсен йĕкĕрешсем — Арсенийпе Арина çуралнă.
- Красноармейскинчи Васильев урамĕнчи нумай хваттерлĕ 8-мĕш çурта тĕпрен юсас ĕçсем вĕçленнĕ, ку тĕлĕшпе 841358 тенкĕпе усă курнă.
- Чатукасси ялĕнчи А. Н. Егоров 70 çулхи юбилейне паллă тунă. Александр Никифорович бригадирта тата заправщикре ĕçленĕ. Мăшăрĕпе — Зоя Ивановнапа — 3 хĕрпе 3 ывăл ÿстернĕ.