Красноармейски районĕнчи Кĕçĕн Шетмĕ ял тăрăхĕн  пуçлăхĕ Ольга Андреева  ячĕпе Раççей Федерацийĕн Президенчĕ çумĕнчи Гераьдика канашĕнчен çыру килнĕ. Патшалăх геральдмейстерĕ Г. В. Вилинбахов Кĕçĕн Шетмĕсен гербĕпе ялавĕн проекчĕсене пăхса тухнине тата ырланине пĕлтерет. Вĕсене халăхпа сÿтсе  явнă хыççăн ял тăрăхĕн депутачĕсен Пухăвĕ çирĕплетнĕ. Халĕ Кĕçĕн Шетмĕсем герб тата ялав пуррипе тивĕçлипех мухтанаççĕ. Вĕсен никĕслевçи хăйсен ентешĕ, Чăваш халăх ÿнерçи, Чăваш Республикин Патшалăх Гербĕпе Ялавĕн авторĕ Э. М. Юрьев пулнипе те мăнаçланаççĕ.