Иртнĕ çулхи кăтартусем
Акă, 2007 çулта, тĕслĕхрен, районта 195 преступление регистрациленĕ. Унчченхи çул ку кăтарту 257-пе танлашнă. Пĕлтĕр вырăнсенче обществăлла йĕркелĕхе пăснă тĕслĕхсем малтанхи çулхинчен 24, 1 процент чухлĕ сахалланнă. Шута илнĕ тăрăх иртнĕ çул криминаллă милици тĕлĕшпе 66 преступление регистрациленĕ. 2006 çулта ку кăтарту 78 пулнă. Çавăн пекех обществăлла милици хăрушсăрлăхĕпе 129 преступление (2006 çулта — 179) регистрациленĕ. Пĕлтĕр уйрăмах йывăр мар преступленисене 116 тĕслĕх (59, 5 процент) шута илнĕ.
Профилактикăлла мероприятисене пурнăçланă май уйрăмах йывăр преступленисен шутне икĕ хутчен чакарма пултартăмăр. Ку хисеп пĕлтĕр — 3, унчченхи çул 6 тĕслĕх пулнă.
2007 çулта йывăр преступлени тăвасси, малтанхи çулхинчен 24, 3 процент чухлĕ пĕчĕкленчĕ. Мăшкăлланă тĕслĕхсем пулман. Çынна вĕлернĕ пĕр тĕслĕх вырăн тупнă. Уйрăм харпăрлăх пурлăхне çаратнă-вăрланă тĕслĕх 75 (97) регистрациленĕ. Хваттерсемпе выльăх-чĕрлĕх тата тĕслĕ металл çаратассипе, 2006 çулхипе илсен, цифрăсем сахалланнă. Тĕслĕхрен, пĕлтĕр тĕслĕ металл вăрланă 6 тĕслĕхе шута илнĕ пулсан, 2006 çулта ку кăтарту 22-пе танлашнă.
Шел пулин те, иртнĕ çул çынна ирĕксĕрлесе хăратса тунă преступленисен шучĕ — 4 (0), автомототранспортпа право йĕркине пăсса усă курнă 4 (1) тата кĕсье телефонĕсене вăрланă 14 (12) тĕслĕхе тупса палăртнă.
Мĕн пур преступленисенчен хăшĕ-пĕрне уçса парассипе çителĕксĕртерех ĕçленĕ. Иртнĕ çул уйрăмах йывăр преступленисене — 83, 3, йывăррисене — 77, 4 вăтаммисене — 55, 8 тата йывăрах маррисене 81, 8 процентшар чухлĕ уçса панă.
Хальлĕхе ют пурлăха çаратнă, кĕсье телефонĕсемпе тĕслĕ металл вăрланă тĕслĕхсене уçса парассипе ытларах çине тăмалла. Иртнĕ çул районта декабрь уйăхĕнче çул-йĕр çинче çул-йĕр правилисене пăснипе пулнă пĕр тĕслĕхе регистрациленĕ. Пĕтĕмпе 2007 çулта çул-йĕр çинче, тĕрлĕрен сăлтавсене пула, 16 хутчен йĕркене пăснипе тĕслĕхсем пулнă. Вĕсенче сурансене пула 9 çын вилнĕ, 22-ĕн сусăрланнă.