Семинар-канашлура ултă район специалисчĕсем
Семинар-канашлура “Бухгалтери учечĕн ыйтăвĕсемпе йышăннă çĕнĕ документсем”, “АПК организацийĕсенче çулталăк отчечĕн йышĕ тата çырса хатĕрлемелли йĕрке”, “Статистика отчечĕпе производствăпа финанс планĕсене тăратмалли йĕрке” тата “АПК организацийĕсенче налук хумалли тытăма çĕнетсе пыни” темăсене тишкерчĕç. Вĕсемпе пухăннисен умĕнче ЧР Ял хуçалăх министерствин специалисчĕсем — бухгалтери учечĕпе ревизи ĕçĕн пайĕн начальникĕ С. В. Антонова, унăн çумĕ И. В. Куракина, экономика тишкерĕвĕ тата прогноз пайĕн консультанчĕ Л. И. Соколова, çавăн пекех Федераллă налук службин Чăваш Республикинчи Управленийĕн специалисчĕсем тухса каларĕç, ыйтусене хуравларĕç.
Районсенчен пуçтарăннă бухгалтерсемпе экономистсем ку евĕр семинар-канашлусем хăйсене кулленхи ĕçре пысăк усă кÿнине палăртрĕç.