ФУТБОЛ. Районти çамрăксен “Факел” командин йышĕнче гимназистсем те пур. Евгений Антонов (капитан), Александр Ласкеев, Юрий Костин тăрăшнипе пирĕн футболистсем Шупашкарти “Çунат” командăран 4:3 шутпа выляса илнĕ.

ХĂВĂРТ УТАССИ. Сĕнтĕрвăрри районĕнчи Октябрьски салинче Олимп чемпионкин Е. Николаеван парнисемшĕн пыракан ăмăрту иртнĕ. Унта командăри чи çамрăк Лиана Скворцова та лайăх тупăшнă. Вăл 4-мĕш класра çеç вĕренет-ха. Тренерĕ — В. П. Петров.

ÇĂМĂЛ АТЛЕТИКА. Шупашкарти кросра Н. Миронова (7 “б”), О. Захаровапа А. Егорова (9 “б”), П. Михайлов (10) — шкулти чи хастар атлетсем — хăйсене тĕрĕсленĕ.

“Советская Чувашия” хаçат парнисемшĕн пынă эстафетăри ăмăртура гимназистсем ялти спортсменсем хушшинче 19-мĕш вырăна тухнă. Унта ялсенчи 32 команда пулнă. Команда тренерĕсем — В. Моисеевпа А. Сидоров.