Çĕнĕ парк уçăлнă
ИРТНĔ шăматкун Красноармейскинче Çĕнтерÿ паркĕ уçăлнă. Çав ятпа иртнĕ уява ЧР физкультурăпа спорт министрĕ В.М.Краснов, "Пĕрлĕхлĕ Раççей" партийĕн чăваш Енри уйрăмĕн ĕçтăвкомĕн ертÿçи В.П.Мидуков, Красноармейски район администраци пуçлăхĕ С.А.Николаев, М.П.Прохоров, И.Х.Харитонов, Д.А.Алексеев вăрçă ветеранĕсем, районти чи пĕрремĕш СССР спорт мастере В.И.Иванов тата ыттисем хутшăнчĕç. Районти фольклор ансамблĕсем халăха хăйсен пултарулăхĕпе паллаштарчĕç. В.М.Красновпа С.А.Николаев Çĕнтерÿ паркне тaтa стадиона тирпей-илем кĕртме пулăшнă спортсменсемпе спорт ветеранĕсене Физкультурник кунĕпе саламласа Хисеп хучĕсемпе Тав çырăвĕсем парса чысларĕç.
"Хыпар"