Красноармейски район центрĕнче халĕ Çамрăк мăшăрсен аллейи пур. Пĕрремĕш йывăçа, сип­симĕс чăрăша, Матвеевсен çемйи лартма тивĕçлĕ пулнă. Сергейпа Ирина лартнă йывăçа сăнаса тăма сăмах панă.

Çак ĕçе пуçаракансем аллейăран çитес çул пысăк парк пуласса шанаççĕ. ЗАГС уйрăмĕ пĕлтернĕ тăрăх, районта кашни çулах 90 мăшăр çемье çавăрать. Апла йывăçсен йышĕ тепĕр çул та самаях ÿсĕ.