Комбайнерсем ăмăртаççĕ
Красноармейски районĕн хирĕсенче Афинăри пекех çивĕч кĕрешÿ пырать. Комбайнерсем район администрацийĕн парнисемшĕн тупăшаççĕ. Çĕнтерÿçĕсене кашни 5 кунра мĕн чухлĕ тырă çапса тĕшĕленĕ тăрăх палăртаççĕ. Пĕрремĕш вырăнта - «Караево» хуçалăх комбайнерĕ Михаил Петров. «Дон-1500Б» комбайнпа вăл 5 кунра 948 центнер тырă çапса тĕшĕленĕ. Иккĕмĕш вырăнта – «Нива» СК-5 «хуçи» Петр Сергеев. Вăл та асăннă хуçалăхра тăрăшать. Унăн кăтартăвĕ – 914 центнер. Виççĕмĕш вырăнта вара «Нива» хуçалăхра тăрăшакан Юрий Платонов. Вăл 740 центнер тырă çапса тĕшĕленĕ.
Район пуçлăхĕ С.Николаев çĕнтерÿçĕсене хиртех саламланă, укçан преми панă. Ăмăрту малалла пырать.
"Хыпар"