Объектсене кěçех вěçлěç
Право йěркине пǎснǎ ачасен Красноармейски районěнчи Упири ятарлǎ шкулне çитес вěренÿ çулне тěплěн хатěрлесе çитерес ыйтупа иртнě канашлǎва тěп заказчик представителě - Чǎваш Республикин капиталлǎ строительство управленийěн пуçлǎхě В. Яковлев: ЧР вěрентÿ тата çамрǎксен политикин министрěн çумě В.Сапожников тата подрядчиксен – строительство организацийěн ертÿçисем хутшǎннǎ.
Авǎн уйǎхěччен тепěр уйǎх кǎна юлнине шута илес пулсан кěске вǎхǎтра пурнǎçламалли ěçсен калǎпǎшě çав-çавах пысǎк-ха: хушма объектсенчи (мастерской: мунчапа кěпе-тумтир çумалли çуртсенчи) юсава вěçлемелле: шыв башнине хута ямалла. Район администраци пуçлǎхě С. Николаев çак объектсене патшалǎх комиссине йышǎнма сěниччен çирěп асǎрханса-сǎнаса тǎрасси çинчен пěлтернě.