Çумǎр чарǎнмасǎр çунипе Çавал кунсерен тулсах пырать. Ěнер кунти шыв пěр каçрах метр ытла хǎпарнǎ. Красноармейски районěнчи Çěнě Йěкěт ялěнче пурǎнакансем кěтÿ хǎвалама тухсан тěлěнмеллипех тěлěннě - йывǎç кěпер шыв айне пулнǎ. Халиччен вǎл шыв çийěн 2 метрта пулнǎ. Кěтÿ кěпер урлǎ каçайман. Пěри çеç савǎнтарать кунта пурǎнакансене. Çыранǎн тепěр енче вырнаçнǎ вǎрмантан кампаçǎсем кашни кунах тулли карçинккасемпе таврǎнаççě.